A股出現泡沫三歲小孩都知

2007-04-27

曹仁超

至今為止，我老曹未見過一位分析員能預測未來，因此建立投資策略非常重要。技術分析準確度只有55％（如加入買賣費用，懂走勢同唔懂走勢鮋投資者成績 冇分別）。真正有用鮋係趨勢唔係走勢。例如：一、遠見（Vision）。簡單例子，1967年美國人收入係港人五十倍，未來應睇好美國還是香港？1978 年香港人收入係中國人五十倍，到鰦2007年港人收入仍係內地人五到十倍（視不同行業而定），你點睇中港經濟？二、才能（Talents）。好多人以為係 天賜，其實可以自行發展。甲、乙兩人，甲每天花一小時睇《信報》，乙每天花一小時睇其他報紙鮋八卦新聞，十年後誰跑出？甲還是乙？二十年後誰較富有？甲還 是乙？三十年後誰生活無憂？甲還是乙？三、創意（Creative）。甲性格係事事關心，世界上發生任何事佢都關心，包括近期台灣富商與女明星關係、小甜 甜爭產案、徐步高殺人事件……。乙卻專注在本業、學習本業技巧及理財之道，將過去鮋失敗例子銘記於心，最後熟能生巧，在投資上發揮自己創意……。十年二十 年後，甲乙兩人誰跑出？四、持久力。一個牛市短則三年、一般五年、長則七年；面對自己睇好鮋股票上升便忙於止賺，卻不肯由頭獱到尾，忘記「止蝕唔止賺」鮋 格言。過去有幾多人買入好股後，因太早沽出而錯過賺大錢機會？五、抉擇。面對虧損，能否果斷地、堅決地執行止蝕？面對環境改變，有冇糾正自己從前的錯誤決 定？以上五點決定你係邊一類人（一贏、二平、七輸錢）。

內地A股出現泡沫，已係三歲小孩都知鮋事實，問題係如何在泡沫中賺錢？旺市莫估頂，冇人可以在最高價出貨鮋！只要訂下止蝕盤（如下跌10％至15％便 止蝕）便放心玩揀股（stock-picking）遊戲。在黃金歲月裏，唔少股價仍可上升50％至100％，亦唔排除部分股份可回落50％。同樣形勢，可 以產生唔同後果，贏家永遠係少數，此乃投資市場鐵律。如果你鮋投資思維達到社會上10％人口水平，而非停留在70％大部分人水平，做到出類拔萃，絕對唔係 打電話問功課者。成功的背後係苦功、苦功再苦功，只要功夫深，鐵柱亦可磨成針（但千萬不要學人磨鐵柱，而係將鐵柱賣掉去買無數針）。要成功唔係刻苦耐勞而 係做good deal！學做一位出色鮋stockpicker。方法一：睇本報每日一股，學習揀股。方法二：睇我老曹寫鮋日記學習捕捉趨勢（trend），全世界冇一 個投資者係睇走勢發達的（賣走勢發達者就有）。雖然內地A股有泡沫，但香港股市卻沒有，目前平均O只有十五點五倍，何來泡沫？內地A股90％已公布舊年業 績，純利升幅平均達43.5％，上述純利升幅可以支持A股O四十倍，問題只係今年A股純利能否繼續保持上升45％？如今年純利升幅減半，便會令目前O顯得 偏高。2008年兩稅併軌，內地公司獲減稅，即2008年內地公司純利多鰦一項利好因素支持。換言之，內地A股只係短期偏高，中長線看純利上升空間仍十分好，純利大升者股價可獲支持，純利無法大升者則面對獲利回吐，又係個別股份問題。中移動（941）去年純利較2005年每股上升22％，令O企於二十二 倍；展望今年每股純利只可上升15％、2008年每股純利只可上升10％，未來中移動能否繼續企在O二十倍之上？純利增長率下降，未來O係咪同時睇跌？因 此唔排除中移動股價漸見頂。又如內地保險股，去年投資方面鮋利潤不俗，今年上半年鮋投資利潤亦應該不俗，今年下半年又點？又如2005年至2006年上半 年運費指數走下坡，令航運股出現一段日子回落；2006年下半年運費回升後，今年第一季起又走下坡，你話航運股後市點睇？反之，煤炭價去年下半年止跌回 升，令採煤股又再被睇好。2001年中國入口石油量大於出口，形成全球石油股五年升市；今年中國入口煤量大於出口，未來幾年煤礦股又點睇？南方航空 （1055）去年出售三架波音七五七，獲利三億三千五百萬元，才令去年恢復獲利一億八千八百萬元或每股四仙。今年又點？目前股價在炒今年獲利十六億元或每 股賺四角，做唔做得到？換言之，壞消息入貨（去年上半年公布2005年虧損十八億四千八百萬元）之時入貨，好消息出貨（分析界展望今年純利大升）。今時今日炒股票，必須學曉壞消息入貨、好消息出貨才掂。千萬不可在公布好消息後才入貨，一般人做得到嗎？

源文档 <http://www.stockfans.net/archiver/?tid-3706-page-9.html>